Translate

Monday, June 20, 2011

നഷ്ടപ്പെട്ട കാഴ്ചകള്‍ ...

കഴിഞ്ഞ ദിവസം ...വളരെ തിരക്കുള്ള അത്യാഹിത വിഭാഗത്തില്‍ ,തിരക്കിനിടയില്‍ കൂടി ഒരു കൊച്ചു പെണ്‍കുട്ടി ഏഴോ എട്ടോ വയസ്സ്.. എന്റെ അടുത്തേക്ക് വന്നു ഒരു കടലാസ് കഷണം നീട്ടി ...കടലാസ്സില്‍ രണ്ടു വാക്ക് - ഡോക്ടര്‍ ഷെറിന്‍ ....ഞാനാണ്‌ ഡോക്ടര്‍ ഷെറിന്‍ എന്താ? അപ്പോള്‍ കുട്ടിയുടെ പിന്നില്‍ നിന്നും ,കുട്ടിയുടെ കൈ പിടിച്ചു ഒരു വയോധികന്‍ മുന്നിലേക്ക്‌ വന്നു...എന്‍റെ പിന്നിലെ ചുമരിലേക്കു നോക്കി അദ്ദേഹം സംസാരിക്കാന്‍ തുടങ്ങി...അദ്ദേഹം അന്ധനാണ് ...ഡോക്ടര്‍,കഴിഞ്ഞ അന്ജാം തീയതി രാത്രി എന്‍റെ മകനെ അപകടത്തില്‍ പെട്ട് ഇവിടെ എത്തിച്ചിരുന്നു...അനാഥന്‍ എന്ന നിലയില്‍ ...ഞങ്ങള്‍ അറിഞ്ഞു ഇവിടെയെത്തും മുന്‍പേ ആളിനെ മെഡിക്കല്‍ കോളേജ് ലേക്ക് മാറ്റിയിരുന്നു ..ഇപ്പോഴും ബോധം വന്നിട്ടീല്ല ...രേഖകളില്‍ അനാഥന്‍ എന്ന പേര് വച്ച് ഞങ്ങള്‍ക്ക് ചികിത്സ സഹായം കിട്ടീല്ല..ഡോക്ടര്‍ ആ പേര് മാറ്റി തരണം...വളരെ തിരക്ക്..പക്ഷെ അദ്ദേഹതോട് കാത്തു നില്‍കാന്‍ പറയാന്‍ തോന്നിയില്ല ....വേഗം ആ രേഖകള്‍ ആഫീസില്‍ നിന്ന് കൊണ്ട് വരാന്‍ പറയൂ ഞാന്‍ മാറ്റി തരാം...ആഫീസില്‍ നിന്നും അറ്റെന്ടെര്‍ അല്‍പ സമയത്തില്‍ രേഖകള്‍ കൊണ്ട് വന്നു...പേരും വിലാസവും മാറ്റി കൊടുത്തു ...അദ്ദേഹം ചുമരിലേക്കു നോക്കി വീണ്ടും പറഞ്ഞു വളരെ ഉപകാരം ഡോക്ടറെ ...ഞങ്ങള്‍ പോട്ടെ...പെണ്‍കുട്ടി അദ്ദേഹത്തിന്റ്റെ കൈ പിടിച്ചു കുലുക്കികൊണ്ട്‌ പറഞ്ഞു അപ്പൂപ്പാ ഡോക്ടര്‍ അവിടെയല്ല ..ഇതാ ഇവിടെയാണ്‌ .....അദ്ദേഹം വീണ്ടും ചുമരിലേക്കു നോക്കി കൈ കൂപ്പി .......

3 comments:

Binu Joy Mattel said...

thudakkam mosamaayilla..aasamsakal

Sanu James said...

kollaam doctor iniyum ezhuthanam kto may God bless you...........

Sherin vimal said...

എല്ലാ നല്ല വാക്കുകള്‍ക്കും നന്ദി..